• Beth yw gwirfoddoli?
• Pam gwirfoddoli?
• A alla i wneud gwahaniaeth?
• Beth y gallaf ei wneud?
• Sut ydw i’n mynd ati?

A alla i wneud gwahaniaeth?

Gallwch. Mae gwirfoddoli’n gymaint o ran o’r gymdeithas ei bod yn aml yn haws disgrifio’r gwahaniaeth a wna gwirfoddolwyr drwy ddychmygu cymdeithas lle nad oes neb yn gwirfoddoli:

• byddai gweithgareddau cymdeithasol a hamdden yn cael eu heffeithio’n sylweddol gan na fyddai unrhyw gemau rygbi, digwyddiadau chwaraeon nac athletau, na rasio modur Formula One na Gemau Olympaidd heb gyfraniad hyfforddwyr, trefnwyr a marsialyddion gwirfoddol    
• ni fyddai unrhyw ddigwyddiadau cerddoriaeth, cyngherddau pop, gwyliau, Eisteddfodau Cenedlaethol neu’r Urdd heb wirfoddolwyr yn codi arian, yn trefnu neu wirfoddolwyr Ambiwlans Sant Ioan
• prin y byddai’r ymchwil neu gyngor a chymorth meddygol i bobl â phroblemau penodol             
• byddai pobl yn marw heb y Samariaid, gwasanaeth y bad achub, timau achub mynydd ac ogof a’r Groes Goch Brydeinig                
• byddai ein gwasanaeth iechyd yn llawer tlotach heb y rhoddion o weithgareddau a drefnir gan wirfoddolwyr, fel siopau te a throlïau llyfrgell, radio ysbyty a gwirfoddolwyr cymunedol i helpu cleifion sydd wedi’u rhyddhau neu’r rheini sy’n dod i’r ysbyty
• byddai’r system cyfiawnder troseddol yn chwalu heb ynadon lleyg, gwirfoddolwyr cymorth tystion a chefnogi dioddefwyr          
• byddai llawer o’r dirwedd, bywyd gwyllt ac ardaloedd o harddwch naturiol yn dioddef esgeulustod
• byddai llawer o bobl hyn, anabl ac agored i niwed yn cael eu hynysu ac yn unig.

Fel gwirfoddolwr, gallwch effeithio’n wirioneddol ar fywydau pobl a’r gymuned o’ch amgylch, yn ogystal â gwneud eich bywyd eich hun yn fwy boddhaus a gwerth chweil.