Mae Goleufa Cymru yn ceisio recriwtio aelodau sy’n gyfarwydd ag agenda ymgysylltu â’r cyhoedd yng Nghymru. Mae gennyn ni ddiddordeb yn benodol mewn pobl sydd â phrofiad o weithio gyda phobl ifanc, ardaloedd Cymunedau yn Gyntaf neu gefn gwlad, a lleiafrifoedd diwylliannol. Y Bwrdd Rheoli sy’n cyfeirio ac yn monitro gweithgareddau Goleufa Cymru a’r Bwrdd Rheoli yw’r corff penderfynu i’r Oleufa. Y Bwrdd Rheoli hefyd sy’n cymeradwyo ceisiadau am gyllid i gynnal gweithgareddau sy’n ymwneud ag ymgysylltu â’r cyhoedd rhwng prifysgolion a chymunedau

•  Mae Goleufa Cymru yn rhaglen annibynnol sy’n hybu cydadwaith agosach rhwng prifysgolion a’r cyhoedd.  Bydd yn helpu prifysgolion Cymru i wneud cyfraniad ehangach i’r gymdeithas drwy gynnwys cymunedau’n llawnach yn eu gwaith. 
•  Aelodau Bwrdd Rheoli Goleufa Cymru yw cynrychiolwyr pum partner Goleufa Cymru: Prifysgol Caerdydd, Prifysgol Morgannwg, Amgueddfa Cymru, Techniquest a BBC Cymru. 
•  Mae Goleufa Cymru yn cael ei hariannu gan gynghorau cyllido Addysg Uwch, Cynghorau Ymchwil y DU ac Ymddiriedolaeth Wellcome. 
•  Penodir aelodau’r Bwrdd i ddechrau tan ddiwedd 2010, gyda’r posibilrwydd o ymestyn hynny am flwyddyn arall.